સુરતનાં સરસાણા વિસ્તારમાં એક સિકયોરિટી ગાર્ડની હત્યા કરાયેલ મૃતદેહ મળી આવતા સનસનાટી મચી જવા પામી હતી.

સુરતનાં સરસાણા વિસ્તારમાં એક સિકયુરિટી ગાર્ડની હત્યા કરી ફેંકી દેવાયેલી લાશ ડી કંપોઝ હાલતમાં મળી આવી હતી. આ અંગેની જાણ ઉમરા પોલીસને થતા પોલીસ ધટના સ્થળે દોડી ગઈ હતી. પોલીસના પ્રાથમિક અનુમાન મુજબ આ ધટના પાંચેક દિવસ અગાઉ ધટી હોવી જોઈએ. સરસાણા નજીક હાઇવે ઉપર હત્યા કરી ફેંકી દેવાયેલી સિક્યોરિટી ગાર્ડની લાશ ઉપરનાં નિશાન જોતા કોઇ બોથડ પદાર્થ વડે મૃતકને મારી તેની કરપીણ હત્યા કરાય હશે. ઉમરા પોલીસે મૃતકની લાશનું પોસ્ટમોર્ટમ અંગેની તજવીજ હાથ ધરી. આ હત્યા અંગે ઘનિષ્ઠ તપાસના ચક્રો ગતિમાન કર્યા હતા.