ભરૂચ જિલ્લાના દહેજ સેઝ-2 માં બેફામ કાર ચાલકે 6 શ્રમજીવીઓને અડફેટે લેતાં 3 લોકોને ગંભીર ઇજા.

ભરૂચ જિલ્લાના દહેજ સેઝ-2 માં બેફામ કાર ચાલકે 6 શ્રમજીવીઓને અડફેટે લીધા હતા. જે પૈકી 3 ની હાલત ગંભીર જોવાય રહી છે. ઘટનાની જાણ થતાં જ આસપાસના લોકોના ટોળેટોળાં એકત્ર થઇ ગયા હતા. દહેજ સેઝ-2 માં બુધવારે મોડી રાત્રે બેફામ દોડતી કારે 6 શ્રમજીવીઓને અડફેટે લીધા હતા. જેથી તાત્કાલિક તમામ ઇજાગ્રસ્તોને સારવાર માટે ભરૂચની ખાનગી હોસ્પિટલ ખસેડવામાં આવ્યા હતા. જ્યાં 3 ઇજાગ્રસ્તોની હાલત નાજુક છે. આ મામલે દહેજ પોલીસે વધુ તપાસ હાથ ધરી છે.