વી.સી.ટી. ગર્લ્સ હાઇસ્કૂલમાં ધોરણ-10 અને ધોરણ-12 ની વિદ્યાર્થિનીઓનો “શુભેચ્છા સમારંભ” તેમજ “ઈનામ વિતરણ” કાર્યક્રમ યોજાયો.

વી.સી.ટી. ગર્લ્સ હાઇસ્કૂલમાં તા.29/02/2020 શનિવારનાં રોજ ધો.10 અને ધો.12 ની વિદ્યાર્થિનીઓનો શુભેચ્છા સમારંભ તેમજ ઈનામ વિતરણ કાર્યક્રમ યોજવામાં આવ્યો હતો. કાર્યક્રમની શરૂઆત કિરાઅત, પ્રાર્થના તેમજ આમંત્રિત મહેમાનોનાં શાબ્દિક તેમજ પુષ્પગુચ્છથી સ્વાગત કરવામાં આવ્યું હતું. વિદ્યાર્થીનીઓનાં સર્વાંગી વિકાસ માટે સમગ્ર વર્ષ દરમ્યાન થયેલ પ્રવૃતિઓમાં વિજેતા થનાર વિદ્યાર્થીનીઓને પ્રોત્સાહક ઈનામ આપી બિરદાવવામાં આવી હતી. આ પ્રસંગે વિદ્યાર્થિનીઓએ પોતાના શાળા સમયનાં અનુભવો રજૂ કર્યા હતા. ત્યારબાદ શાળાનાં મેનેજિંગ ડિરેકટર આસીફ અલી સરે વિદ્યાર્થીનીઓને જવલંત સફળતા મેળવવા માટેની શુભકામનાઓ પાઠવી હતી. અંતે વિદાય ગીત દ્વારા કાર્યક્રમની પૂર્ણાહુતિ થઈ હતી. સમગ્ર કાર્યક્રમનું સફળતા પૂર્વક સંચાલન ધો.12 ની અંગ્રેજી તથા ગુજરાતી માધ્યમની વિદ્યાર્થિનીઓએ કર્યું હતું.