ભરૂચ એલસીબી પોલીસે રેલવે ગોદી રોડ ઉપરથી ઈંગ્લીશ બનાવટની વ્હીસ્કીનાં પાઉચ સહીત 12 હજારના જથ્થા સાથે એક બુટલેગરની અટકાયત કરી હતી.

આગામી હોળી ધુળેટી પર્વને જોતા વ્યાપક પ્રમાણમાં દારૂની હેરફેરને રોકવા ભરૂચ એલસીબી પોલીસે સધન પેટ્રોલિંગ હાથ ધર્યું છે. જે અંતર્ગત આજરોજ રેલવે ગોદી રોડ પરથી પસાર થતા પ્રતિક બિપીનચંદ્ર કાયસ્થ રહે.વૈરાગીવાડ, ભરૂચ પાસેથી વ્હીસ્કીના પાઉચ નંગ 96 સાથે ઝડપી પાડયો હતો. પોલીસે રૂ. 9600 રોકડા અને રૂ.1500 તેમજ મોબાઈલ મળીને કુલ રૂ.12,100 ના મુદામાલ સાથે તેની અટકાયત કરી વધુ કાર્યવાહી અર્થે ભરૂચ એ ડિવિઝન પોલીસને સોંપી દીધો હતો.