કોલેજના વાંચનાલયમાં બૂમાબૂમ કરતા વિદ્યાર્થીને ઠપકો અપાયાના રોષમાં હુમલો કર્યો હતો. ઇન્ટર્નલ પરીક્ષા બાદ કોલેજ બહાર મયંક પર હુમલો કરાયો હતો. કોલેજની લાયબ્રેરીમાં એક વિદ્યાર્થી ઘોંઘાટ કરતો જેથી અન્ય વિદ્યાર્થીઓ પર અસર પડતાં મયંકે તેને અટકાવ્યાની અદાવતમાં પરીક્ષા બાદ ઘરે જતા સમયે હુમલો કરાયો હતો. બાદમાં ઈજાગ્રસ્ત મયંકને અન્ય વિદ્યાર્થીઓ સારવાર માટે સિવિલ હોસ્પિટલ લાવ્યાં હતાં. ઘટના ક્રમ સીસીટીવી કેમેરામાં કેદ થઇ જવા પામ્યો હતો. બનાવ અંગે પાંડેસરા પોલીસને જાણ થતા પોલીસ કોલેજ સંકુલ ખાતે દોડી ગઈ હતી અને કાયદેસરની તપાસ હાથ ધરી હતી.
Advertisement
