કોરોના વાયરસના ભય વચ્ચે કામદાર દ્વારા સ્વાસ્થ્ય સાથે ચેડાં થતા હોવાનું રાજહંસના સુપરવાઈઝરે સ્વીકારીને શિક્ષાત્મક પગલાં લેવાની ખાતરી આપી હતી. વલસાડના રાજહંસ મલ્ટીપ્લેકસ ખાતે કર્મચારી દ્વારા ટોયલેટમાં વાસણ ધોવાનો વીડિયો વાઇરલ થયો હતો. જેને લઈને રાજહંસ મલ્ટીપ્લેકસના સુપર વાઇઝરે કેન્ટીનના સફાઈ કામદારની ગંભીર ભૂલને ધ્યાનમાં લઈને શિક્ષાત્મક પગલાં ભરવાનું કહેવામાં આવ્યું હતું. હાલમાં કોરોના વાઇરસની ગંભીરતાને લઈને દિલ્હી જેવા શહેરોમાં મલ્ટીપ્લેકસને બંધ કરી દેવામાં આવ્યાં છે. ત્યારે નાના શહેરોમાં પણ હાઇજેનિક સિસ્ટમ ઉપર વધારે ભાર આપવામાં આવી રહ્યો છે એ સમયે આ પ્રકારનો વીડિયો વાઈરલ થતાં લોકોએ સવાલો ઉઠાવ્યાં હતાં.
Advertisement
