ભરૂચ રેલ્વે સ્ટેશન નજીક પાલીથી હૈદરાબાદ જતી રણકપુર એકસપ્રેસ ટ્રેનમાંથી માતા અને પુત્રી ગુમ થઇ જતા પોલીસ ફરિયાદ નોંધાવા પામી હતી.

પતિ પત્ની અને બે બાળકો રણકપુર એકસપ્રેસ ટ્રેનમાં હૈદરાબાદ તરફ જતા હતા દરમિયાન ભરૂચ સ્ટેશન નજીક પત્નીએ શૌચાલય જવા પુત્રી સાથે ગઈ હતી જ્યાંથી તે ગુમ થઇ ગઈ હતી. રાજસ્થાનનાં પાલી વિસ્તારનાં રહીશ રાજુરામ સિરવી પોતાની પત્ની લલિતા ઉં.વ. 29 તેમજ બાળકી ગુંજન ઉં.વ.2 સાથે હૈદરાબાદ જઈ રહ્યા હતા, ભરૂચ રેલ્વે સ્ટેશન આવતા તેની પત્ની બાળકી સાથે શૌચાલય જવાનું કહી પ્લેટફોર્મ ઉપર ઉતરી ગઈ હતી. તેણીની વ્યાપક શોધખોળ છતાં તે મળી આવી ન હતી આથી રાજુરામે ભરૂચ રેલ્વે પોલીસ મથકે ફરિયાદ દર્જ કરાવી હતી. રેલવે પોલીસે ગુનો નોંધી વધુ તપાસ હાથ ધરી હતી.