ભરૂચમાં ધમધમતા સ્પા અને પાર્લરને બંધ કરાવવા માટે તંત્ર કામે લાગ્યું છે આજે શહેરનાં આંબેડકર શોપિંગનાં સ્પાને સિટી મામલતદારએ સીલ મારી દીધું છે.

કોરોના વાઇરસનો કહેર યથાવત છે દુનિયાનાં તમામ દેશો આ વાઇરસથી પરેશાન છે જેમાં ગુજરાત રાજય અને ભરૂચ જીલ્લામાં કોરોના વાઇરસને અટકાવવા માટે પ્રયાસો ચાલી રહ્યા છે. ત્યાં ભરૂચનાં શોપિંગ મોલ, સિનેમા ઘર, શાળા, સરકારી કચેરીઓ બંધ કરવવામાં આવ્યા છે. ત્યાં હજુ બ્યુટી પાર્લર અને સ્પા હજુ ચાલતા હોવાની ફરિયાદ ભરૂચ સિટી મામલતદારને જાણ થતાં તેમણે આવા સ્પા અને પાર્લરો પર રેડ કરી છે. જયારે આજે ભરૂચનાં ડૉ.આંબેડકર શોપિંગમાં આવેલ “પી.પી.સ્પા” ને આજે બંધ કરાવીને સીલ મારી દેવામાં આવ્યું હતું. હજુ શહેરમાં આવા સ્પા બંધ થવા જોઈએ. હાલ કામગીરી ચાલી રહી હોવાનું વહીવટી તંત્રએ જણાવ્યું હતું.