માંગરોળ : મંત્રીશ્રી, ગણપત ભાઇ વસાવા(આદિ જાતિવિકાસ, વન, મહિલા અને બાળ કલ્યાણ ) દ્વારા આરોગ્ય વિભાગ કર્મચારીઓને ઉત્તમ સેવા કાર્યને બિરદાવી સન્માન પત્ર આપવામાં આવ્યા.

રેફરલ હોસ્પિટલ અને સી.એસ.સી. તેમજ પ્રાથમિક આરોગ્ય કેન્દ્રના કર્મચારીઓને અભિનંદન આપ્યા. તાજેતરમાં દેશ અને વિશ્વ સમક્ષ ઉભી થયેલી કોરોના વાયરસ મહામારીના લીધે સેંકડો લોકો સંક્રમિત થયા છે. તથા અનેક લોકોએ જીવ ગુમાવ્યા છે. ત્યારે આવી કપરી પરિસ્થિતિમાં પણ આપ પોતાની અને પરિવારની પરવા કર્યા વગર દિવસ – રાત ખડે પગે રહીને ખૂબ ઉત્તમ રીતે સરકારી ફરજ બજાવીને આ મહામારી સામે લડવા માટે દેવદૂત જેવું સેવાનુ કાર્ય કરી રહ્યા છે, તે બદલ આપને ખૂબ – ખૂબ અભિનંદન પાઠવું છે.કોરોનાની આ આપદામાંથી દેશને બહાર કાઢવા માટે તમોએ આપેલું પ્રદાન હમેશા યાદ રહેશે. આપના આ ઉત્તમ સેવા કાર્યને મારાં વંદન અને અભિનંદન પાઠવું છું.