અંકલેશ્વરનાં ગડખોલ ગામે આર.કે નગરમાં તબીબની ડિગ્રી વિના પ્રેકટીસ કરતાં બે નકલી ડોકટર ઝડપાયા.

અંકલેશ્વર તાલુકાનાં ગડખોલ ગામનાં આર.કે નગરમાં બોગસ તબીબને પોલીસે ઝડપી લઈ બંને સામે કાયદેસરની કાર્યવાહી કરી હતી. અંકલેશ્વર તાલુકાનાં હેલ્થ ઓફિસર દિનેશભાઇ વસાવાને જાણ થઈ કે બે બોગસ તબીબ ગડખોલ ગામે દવાખાનું ખોલી બેઠાં છે તેવી માહિતી મળી હતી આથી શહેર પોલીસ મથકનાં પી.એસ.આઇ ઠુમમર સાથે ગડખોલ ગામ આર.કે નગરમાં રેડ કરતાં ત્યાં ઇન્દ્રનીલ ઉર્ફે રાહુલ બિસ્વાસ મૂળ રહેવાસી પશ્ચિમ બંગાળ તથા ભડકોદ્રા ગામનાં કમલ કુમાર પટેલની તબીબની ડિગ્રી ન હોવા છતાં ડોકટર બની દવાખાનું ચલાવતા ઝડપી લઈને બંને સામે કાયદેસરની કાર્યવાહી શહેર પોલીસે હાથ ધરી છે.