વાંકલ ગામના પૂર્વ ઉપ સરપંચ સુશીલાબેન ગીલ્બટેભાઇ રાઠોડ દ્વારા ભૂતકાળમાં વાંકલ ગામમાં અનેક સેવાકાર્યો કરવામાં આવ્યા હતા. તેમના પુત્રી સપનાબેન ઉર્ફે સ્ટેફીનાબેન સુભાષચંદ્ર ગાંધી પોતાના અન્ય પાંચ ભાઇ-બહેનો સાથે અમેરિકામાં હાલ વસવાટ કરે છે તેઓ વિદેશમાં નર્સ તરીકે ફરજ બજાવી હાલ રીટાયર્ડ થયા છે. તેમની પુત્રી રાની ગાંધી અને સમગ્ર પરિવારે પોતાના વતનમાં રહેતા ગરીબ લોકોની ચિંતા કરી કોરોના વાયરસની વૈશ્વિક મહામારીના સમયે લોકોને મદદરૂપ બનવાનો સંકલ્પ કરી વતનના વાંકલ લવેટ નાંદોલા પાતલ સહિત ચાર ગામના અતિ ગરીબ લોકોને અનાજ કીટનું વિતરણ કરવાનું આયોજન કર્યું હતું. વાંકલના ભંવરભાઇ વજેશંકર પુરોહિત અને ભરતભાઇ નાકરાણી એ સેવા કાર્યમાં સહયોગ આપી અનાજની કીટો ગરીબોને ઘર સુધી પહોંચાડી હતી.
Advertisement
