ભાજપની મોદી સરકાર દ્વારા પેટ્રોલ અને ડીઝલમાં રોજેરોજ કરતાં ભાવ વધારાનો વિરોધ સમગ્ર દેશમાં કોંગ્રેસ પાર્ટી ચલાવી રહી છે. ગુજરાત તેમજ ભરૂચ-નર્મદા જીલ્લામાં પણ કોંગ્રેસ દ્વારા વિરોધ પ્રદર્શનો યોજાયા હતા. આજરોજ નેત્રંગ ખાતે કોંગ્રેસી કાર્યકરો આ ભાવ વધારાનાં વિરોધમાં રેલી કાઢી કલેકટરને આવેદનપત્ર આપી અને નેત્રંગ ચોકડી ખાતે વિરોધમાં સૂત્રોચ્ચાર પોકાર્યા હતા અને આ ભાવ વધારો પાછો ખેંચવાની માંગ સાથે વિરોધ પ્રદર્શન કરાયું હતું.
સાથે ગળામાં પ્લે કાર્ડ પહેરી ટ્રેકટર ખેંચી, ઊંટ લારી પર બેસી કોંગી કાર્યકરોએ અનોખી રીતે વિરોધ પ્રદર્શિત કર્યો હતો તથા તાલુકા સેવા સદનનાં ગેટ ઉપર જ પોસ્ટરો પણ સળગાવ્યા હતા.
Advertisement
