નબીપુર પોલીસ મથકનાં પી.એસ.આઈ.ની બદલી થતા વિદાય સમારંભ યોજાયો હતો.

ભરૂચ તાલુકાનાં નબીપુર પોલીસ મથકનાં પોલીસ સબ ઇન્સ્પેક્ટર આર.એ બેલીમની બદલી થતા વિદાય સમારંભ યોજાયો હતો. નબીપુર પોલીસ મથકમાં પોલીસ સબ ઇન્સ્પેક્ટરની ફરજ બજાવતા આર.એમ.બેલીમની ભરૂચ સી ડિવિઝન પોલીસ મથકમાં બદલી થતાં ગતરોજ નબીપુર પોલીસ મથક ખાતે તેઓનો વિદાય સમારંભ યોજાયો હતો. જેમાં નબીપુર પોલીસ મથકનો સમગ્ર સ્ટાફ અને નબીપુર ગામ તથા આજુબાજુના ગામોના આગેવાનો હાજર રહયા હતા. ઉપસ્થિત સ્ટાફ અને આગેવાનો દ્વારા આર.એ બેલીમને પુષ્પગુચ્છો અર્પણ કરી તેઓને ભાવભીની વિદાય આપી હતી. આ પ્રસંગે બેલીમ શુભેચ્છા આપનાર સર્વેનો આભાર વ્યક્ત કર્યો હતો.

ઇમરાન ઐયુબ મોદી-પાલેજ