પંચમહાલ જીલ્લાના ઘોઘંબા તાલુકામાં સ્થાનિક સ્વરાજની ચૂંટણીઓને લઇને ઘોંઘબા તાલુકા કોંગ્રેસ સમિતીની મિટીંગ યોજાઈ.

પંચમહાલ જીલ્લાના ઘોઘંબા તાલુકા કોગ્રેંસ સમિતી દ્વારા આગામી સમયમાં યોજનાર જીલ્લા તાલુકા પંચાયતની સામાન્ય ચુંટણી અનુસંધાને ઘોઘંબા તાલુકા કોગ્રેંસના સંયોજકોની મિટીંગ રીંછવાણી મુકામે યોજાઈ હતી. જેમાં આગામી ચૂંટણીઓને ધ્યાનમાં લઈ ચર્ચા વિચારણા અને રણનિતી નક્કી કરવામાં આવી હતી.કોરોના મહામારીમાં સરકારની નિષ્ફળતા, પ્રજાની મુશ્કેલીઓ, ગ્રામ્ય વિસ્તારના પ્રશ્નો અંગે પણ છણાવટ થયેલ, આગામી સમયમાં ઘોઘંબા તાલુકાના સંયોજકો માટે યોજાનાર શિબિરમાં સૌને ભાગ લેવા આવાહન કરવામાં આવ્યુ હતું. પંચમહાલ જીલ્લા કોગ્રેંસ પ્રમુખ અજીતસિંહ ભટ્ટીની ઉપસ્થિતિમાં યોજાયેલ ઘોઘંબા તાલુકાની મિટીંગમાં તાલુકા કોગ્રેંસ પ્રમુખ ચેતનસિંહ પરમાર, યુવા પ્રમુખ કિરપાલસિંહ રાઠોડ, તમામ જીલ્લા- તાલુકા સંયોગકો હોદ્દેદારો આગેવાનો જીલ્લા સેવાદળ પ્રમુખ ભગવાનસિંહ પટેલ સહિત મોટી સંખ્યામાં પક્ષના કાર્યકરો- અગ્રણીઓ ઉપસ્થિત રહ્યા અને કોગ્રેંસ સફળતા મેળવે તેવા અભિગમ સાથે મિટીંગ સફળ રહી હતી.

પંચમહાલ રાજુ સોલંકી