ભરૂચ જીલ્લામાં વહેલી સવારે કોરોનાનાં વધુ 19 પોઝીટીવ દર્દીઓ હોવાનું જાણવા મળેલ છે. જેથી ભરૂચ જીલ્લામાં કુલ કોરોના પોઝીટીવનાં દર્દો 700 થયા છે. અત્રે નોંધવું રહ્યું કે તા.17-7-2020 નાં રોજ કોરોના પોઝીટીવ દર્દીનો આંકડો 600 કરતાં વધુ હતો. જયારે 22-7-2020 નાં રોજ કોરોના પોઝીટીવનો આંક 700 સુધી પહોંચી ગયો છે એટલે દર 5 દિવસે 100 જેટલા દર્દીઓ નોંધાઈ રહ્યા છે. ગત 5-7-2020 નાં રોજ 300 દર્દીઓ હતા. જયારે 9-7-2020 નાં દિવસે દર્દીઓની સંખ્યા વધીને 400 થઈ હતી. આમ 4 દિવસે 100 કેસો વધ્યા હતા. પરંતુ આ વખતે 5 દિવસે 100 કેસ વધતાં કોરોના સંક્રમણ ભરૂચ જીલ્લામાં કેટલા અંશે કાબુમાં આવ્યું હોય એમ કહી શકાય.
Advertisement
