ભરૂચ : ઇખર ગામ ખાતે કોવિડ સેન્ટર શરૂ કરવામાં આવ્યું.

ભરૂચ જીલ્લામાં કોરોના પોઝીટિવનાં દર્દી સતત વધી રહેલ છે ત્યારે ભરૂચનાં પાલેજ નજીક આવેલ ઇખર ગામ ખાતે કોવિડ સેન્ટર શરૂ કરવામાં આવેલ છે. ઇખર જેવા ગ્રામ્ય વિસ્તારમાં ગરીબ અને મધ્યમવર્ગને સારી સુવિધા મળી રહે તે હેતુથી ઇખર ગામનાં સામાજીક આગેવાનો તેમજ ક્રિકેટર મુનાફ પટેલ તેમજ BM ફાઉન્ડેશનનાં સહયોગથી 40 બેડનું કોવિડ સેન્ટર શરૂ કરવામાં આવેલ છે.

આ કોવિડ સેન્ટરમાં 6 ડોકટર તેમજ નર્સિંગ સ્ટાફ સેવા આપશે. આ કોવિડ સેન્ટરમાં હાલ 40 બેડની સુવિધા છે પરંતુ જરૂર પડશે તો બીજા બેડ ઊભા કરી દેવાશે. કોવિડ સેન્ટરનાં શુભારંભમાં સંજય સોલંકી અને ગામનાં સામાજિક આગેવાન ઉસ્માનભાઈ મીંડી, સુલેમાનભાઈ પટેલ, સુરેશ પરમાર અને ગામનાં આગેવાનો ઉપસ્થિત રહ્યા હતા.