ભરૂચ નગરપાલિકાનાં વધુ એક કર્મચારી કોરોના પોઝીટીવ જણાયા હતા. તાજેતરમાં જ મુખ્ય ઓફિસર સંજય સોનીએ કર્મચારીઓને કોરોનાથી સાવધ રહેવા જણાવ્યુ હતું. ત્યારે ગણતરીનાં સમય બાદ જ નગરપાલિકાનાં સ્ટોરકીપર આર.પી.રાઠોડ કોરોના પોઝીટીવ જણાયા છે. આ અગાઉ પણ ભરૂચ નગરપાલિકાનાં ચૂંટાયેલા 2 સભ્યો તેમજ 4 કર્મચારીઓ કોરોના પોઝીટીવ જણાયા હતા. તેમજ એક કર્મચારીનું મોત નીપજયું હતું. આવા સમયે ભરૂચ નગરપાલિકા ખાતે લોકોની સતત અવરજવર થતી હોય છે. ત્યારે નગરપાલિકા દ્વારા કોરોનાથી લોકો અને કર્મચારીઓ સુરક્ષિત રહે તે માટે વધુ અને સધન પગલાં ભરાવા જોઈએ તેવી લોકમાંગ ઊભી થઈ છે.
Advertisement
