ભરૂચ જિલ્લાના ઝઘડિયા તાલુકામાં આજરોજ વધુ બે કોરોના સંક્રમિત કેસો બહાર આવતા કોરોના સંક્રમણનો આંક વધી રહ્યો છે. અત્યાર સુધીમાં ૪૯ જેટલા કોરોના પોઝિટિવ કેસો તાલુકામાં આવ્યા છે. મળતી વિગતો મુજબ ઝઘડિયાના લીમોદરા ગામે રહેતા હસમુખભાઈ પરસોત્તભાઇ પાટણવાડીયા ઉ.વ ૪૦ તથા મીઠામોરા ગામના ધર્મેશ નરેશભાઈ વસાવા ઉ.વ ૩૦ નો કોરોના રિપોર્ટ પોઝિટિવ આવ્યો છે. આ સાથે ઝઘડિયા તાલુકામાં કોરોના પોઝિટિવનો આંક દિવસે દિવસે ઉંચો આવી રહયો છે જે હાલમાં ૪૯ પર પહોંચ્યો છે. ઝઘડિયા પીએસસી દ્વારા લીમોદરા તથા ધારોલી પીએચસી દ્વારા મીઠામોરા ગામમાં કન્ટેન્મેન્ટ ઝોન અને બફર ઝોનમાં સર્વેની કામગીરી કરવામાં આવી છે. ઝઘડિયા પીએસસી દ્વારા ૧૪ પરીવારના સર્વે કરી ૭૯ જેટલા સભ્યોને જરૂરી માર્ગદર્શન તથા સૂચનો આપવામાં આવ્યા છે. ઝઘડિયામાં દિવસે દિવસે કોરોના સંક્રમિત કેસો રોજિંદા વધી રહ્યા છે જે એક ચિંતાનો વિષય છે.વધી રહેલા કોરોના સંક્રમણને પગલે જનતામાં ભયની લાગણી જોવા મળે છે.
ગુલામહુશેન ખત્રી રાજપારડી જિ.ભરુચ.
