ભરૂચ : મોહદ્દીસે આઝમ ટંકારીયા ખાતે ૭૪ માં સ્વતંત્રતા દિનની ઉજવણી કરાઈ.

મોહદ્દીસે આઝમ મિશન ટંકારીઆ બ્રાન્ચ સંચાલિત એમ.એ.એમ ઇંગલિશ મીડિયમ સ્કૂલમાં હાલની કોવિદ-૧૯ ની મહામારીને ધ્યાનમાં રાખીને તથા સોશિયલ ડિસ્ટન્સનું ચુસ્તપણે પાલન કરીને સ્વાતંત્ર્ય પર્વની ઉજવણી કરવામાં આવી હતી. આ પ્રસંગે શાળાનાં પ્રમુખશ્રી મૌલાના અબ્દુલરજ્જાક સાહેબ અશરફી, ઉપપ્રમુખશ્રી ઇશાકસાહેબ, મેહબૂબસર માલાતગાર શાળા સંચાલક મંડળનાં સભ્યો તથા શાળા પરિવાર હાજર રહયા હતાં. રાષ્ટ્રધ્વજ લહેરાવવાનો કાર્યક્રમ સંસ્થાનાં ઉપપ્રમુખશ્રી ઈશાક સાહેબનાં વરદ હસ્તે કરવામાં આવ્યો હતો. ત્યારબાદ શાળા સંચાલક મંડળનાં સભ્યો તથા શાળા પરિવાર દ્વારા શાળાનાં મેદાનમાં વૃક્ષારોપણ કરવામાં આવ્યું હતું. અંતે શાળાનાં ઉપપ્રમુખશ્રી ઈશાક સાહેબે પ્રાસંગિક ઉદ્દબોધન અને સંસ્થા પરિચય આપ્યો હતો.

ઇમરાન ઐયુબ મોદી-પાલેજ