ભરૂચ જીલ્લાનાં નેત્રંગ તાલુકાનાં ધોલી, પિંગુટ, બલદેવા જેવા ડેમો ઓવરફલો થતાં વહીવટીતંત્ર અને પોલીસતંત્ર હરકતમાં આવી ગયું છે. છેલ્લાં ઘણા દિવસથી આ ત્રણ ડેમ વધતી ઓછી સપાટીએ ઓવરફલો થઈ રહ્યા છે. જેમાં ધોલી ડેમની સપાટી તેમજ પિંગુટ ડેમની સપાટી 20 સેન્ટિમીટર કરતાં વધુ જયારે બલદેવા ડેમની સપાટી 20 સેન્ટિમીટર જેટલી ઓવરફલો જણાય રહી છે. નેત્રંગ તાલુકાનાં આ ત્રણ ડેમો ઓવરફલો થતાં ડેમોની આજુબાજુ આવેલ ગામોને સાવચેત કરવામાં આવ્યા છે. તેમજ આજુબાજુનાં વિસ્તારોમાં તેમજ ગામોમાં પોલીસ બંદોબસ્ત ખડકી દેવામાં આવ્યો છે.
Advertisement
