બે દિવસ પહેલા રાત્રિનાં સમયે કસક ગરનાળા ઉપર બની રહેલા નવા બ્રિજ ઉપરથી કેટલાક ઇસમોએ ભંગારની ચોરી કરી હતી. તે અંગે ભરૂચ પોલીસ તંત્રનાં સી ડીવીઝન પોલીસ મથક ખાતે ગુનો નોંધવામાં આવ્યો હતો. આ ભંગાર કસક નવજીવન સ્કૂલ પાછળ સરદારનગરી ઝુંપડપટ્ટી પાસે થ્રી વ્હીલ સાયકલમાં રાખી મુકેલ છે. જેવી બાતમી મળતા બાતમીવાળી જગ્યાએ સી ડીવીઝન પોલીસે ચેકિંગ કરતાં સ્થળ ઉપરથી ચોરીના બનાવમાં ગયેલ ભંગારનો સામાન વજન આશરે 390 કિલો જેટલો સામાન મળેલ છે જેની કિંમત આશરે રૂ.8400 જેટલી થાય છે. આ અંગે સ્થળ ઉપરથી રાજુભાઇ કાંતિભાઈ વસાવાની અટક કરવામાં આવી છે. તેમજ વોન્ટેડ આરોપીમાં મનોજ ગંભીરભાઇ વસાવા અને સુનિલ ઉદેસિંગ વસાવા રહે. નવજીવન સ્કૂલ પાછળ ઝુંપડપટ્ટી કસક, ભરૂચ નો સમાવેશ થાય છે.
Advertisement
