ભરૂચ સી ડિવિઝન પોલીસ દ્વારા શિતલ સર્કલ ખાતે વાહન ચેકિંગ અને અન્ય પેટ્રોલિંગ થતું હતું તે સમયે ત્રણ વ્યક્તિઓ એક બેગ સાથે શંકાસ્પદ હાલતમાં જણાતા તેની તપાસ કરવામાં આવી હતી. સી ડિવિઝન પોલીસના સુત્રોના જણાવ્યા અનુસાર ત્રણ વ્યક્તિઓને ઝડપી તેની તપાસ કરતાં તેમની પાસેની બેગમાં ૧૪ જેટલા ચોરીના મોબાઇલ ફોન મળી આવ્યા હતા અલગ અલગ કંપનીના મોબાઈલ ફોનની કિંમત ૧૩૮૦૦૦ જેટલી થાય છે. જ્યારે આ ફોન સાથે ઝડપાયેલા આરોપીઓમાં વસીમ હનીફ શેખ,આસિફ ઉર્ફે અસફાક અસરફ જાતે શાહ, બંને રહે કોસાડ જીલ્લો સુરત અને બિલાલ અબ્દુલ રસીદ મૂળ રહે જંબુસર હાલ રહે સુરત હોવાનું જાણે એવો હતું.આ બનાવ અંગે ભરૂચ સી ડિવિઝન પોલીસના પી.આઈ ડી.પી.ઉનડકટ તપાસ કરી રહ્યા છે.
Advertisement
