ભરૂચ જિલ્લાના ઝઘડીયા તાલુકાના જુનાપોરા ગામ નજીક ગઇકાલે નર્મદામાં માછલી મારવા ગયેલ રાજપારડીના માધવપુરા ના દિનેશ વસાવા નામના ૩૫ વર્ષીય યુવકને મગર ખેંચી ગયો હતો. રાજપારડી પોલીસે સ્થાનિક અગ્રણીઓ અને તરવૈયાઓની મદદ લઇને નદીમાં લાપતા થયેલ યુવકને શોધવા કામગીરી હાથ ધરી હતી. રાજપારડી પોલીસ સ્ટેશનના અવિધા બીટના જમાદાર મંગુભાઇના જણાવ્યા મુજબ પોલીસે ત્રણ નાવડીઓ અને તરવૈયાઓની મદદથી યુવકને શોધવા કામગીરી હાથ ધરી હતી. આ લખાય છે ત્યાં સુધી હજી યુવકનો કે તેના મૃતદેહનો કોઇ પત્તો લાગ્યો નથી.
ગુલામહુસેન ખત્રી:- રાજપરડી
Advertisement
