ભરૂચ : રાષ્ટ્રીય ધોરીમાર્ગ પર નબીપુર નજીક કારમાં આગ લાગી.

ભરૂચ નજીકથી પસાર થતાં રાષ્ટ્રીય ધોરીમાર્ગ પર નબીપુર પાસે એક કારમાં અચાનક આગ લાગતા અફરાતફરીનું વાતાવરણ ફેલાયું હતું.

ભરૂચ જિલ્લામાં વાહનોમાં આગ લાગવાના બનાવો દિનપ્રતિદિન વધી રહ્યા છે કેટલાક બનાવોમાં આગ લાગવા અંગેના કારણો પણ જાણી શકાયા નથી પરંતુ હાલમાં ભરૂચ નજીકથી પસાર થતાં રાષ્ટ્રીય ધોરીમાર્ગ પર ઇન્ડિકા કારમાં અચાનક આગ લાગી હતી, જે શોર્ટસર્કીટનાં કારણે આગ લાગી હોવાનું માનવામાં આવી રહ્યું છે. જોકે કારમાં મુસાફરી કરી રહેલા તમામ સહી-સલામત બચી ગયા હતા. જોકે ભરૂચ નગર પાલિકાનાં ફાયરબ્રિગેડનાં જવાનોએ આગને કાબુમાં લીધી હતી. આ ઇન્ડિકા કાર વડોદરાથી ભરૂચ આવતી હોવાનું જાણવા મળેલ છે.