ઝઘડીયાના નાનાસાંજા નજીકથી બાયોડિઝલ ભરેલ ટેન્કર ઝડપાયુ

ભરૂચ જિલ્લાના ઝઘડીયા તાલુકાના નાનાસાંજા ગામ નજીકથી પ્રતિબંધિત બાયો ડિઝલ લઇને જતુ ટેન્કર પોલીસે ઝડપી પાડ્યુ હતુ.ઝઘડીયા પોલીસમાંથી મળતી વિગતો મુજબ પોલીસને મળેલ બાતમી મુજબ નાના સાંજા ફાટક પાસે પ્રતિબંધિત બાયો ડિઝલનું વેચાણ કરતા ટેન્કરના ચાલકને પુછતા તેણે તેનું નામ નીખીલ ગુણવંતરાય રહે.ઝાડેશ્વર જણાવ્યુ હતુ.પોલીસની તપાસમા વાહન માલિકનુ નામ ધર્મેન્દ્રસિંહ રાઠોડ રહે.મકતમપુર રોડ ભરુચ જણાયુ હતુ. આ ટેન્કરમાં ૨૦૦૦ લિટર જેટલુ બાયો ડિઝલ ભરેલુ હતુ.પોલીસે ટેન્કર અને બાયો ડિઝલ મળી કુલ રૂપિયા ૫,૭૨૦૦૦ નો મુદ્દામાલ કબજે લઇને ટેન્કર ચાલક નીખીલની અટકાયત કરીને ક‍યદેસર કાર્યવાહી હાથ ધરી હતી.ઝઘડીયા પોલીસની આ કડક કાર્યવાહીને પગલે ગેરકાયદેસર બાયો ડિઝલનો વેપલો કરતા ઇસમોમાં ફફડાટ ફેલાવા પામ્યો હતો.

ગુલામહુશેન ખત્રી:- રાજપારડી