વડોદરા જિલ્લામાંથી પસાર થતા રાષ્ટ્રીય ધોરીમાર્ગ નંબર ૪૮ પર આવેલા કરજણ તાલુકાના બામણગામ પાસે એક કાર નંબર Gj – 01- FT – 3980 માં અચાનક આગ લાગતા કાર બળીને ખાખ થઈ જવા પામી હતી. જોકે સદનસીબે કોઈને જાનહાની થવા પામી ન હતી.
મળતી માહિતી અનુસાર કારના માલિકે મીડિયા સમક્ષ નિવેદન આપતાં જણાવ્યુ હતુ કે તેઓ અમદાવાદથી સુરત તરફ જતાં કોઈ કારણોસર અચાનક એન્જિન પાસેથી ધુમાડો નીકળતા જોઈ કાર ઉભી રાખતા જ કારમાં આગ ભભૂકી ઉઠી હતી. કારના માલિક ભારે જહેમત બાદ પોતાનો જીવ બચાવી તાત્કાલિક ફાયર બ્રિગેડ તથા પોલીસને જાણ કરી હતી. બનાવની જાણ થતા કરજણ પોલીસ તેમજ ફાયર જવાનો, તેમજ L&T ના જવાનો ઘટના સ્થળે દોડી આવી આગ પર કાબુ મેળવ્યો હતો.
યાકુબ પટેલ : કરજણ\
Advertisement
