આગામી તારીખ ૨૮ મી ફેબ્રુઆરીનાં રોજ મતદાન થનાર છે ત્યારે માંગરોળનું ચૂંટણી વિભાગ તરફથી મતદાન માટેની તૈયારીઓ શરૂ કરી દેવામાં આવી છે. જેનાં ભાગરૂપે આજે તારીખ 22 મી ફેબ્રુઆરીનાં રોજ માંગરોળ ખાતે આવેલી એસ.પી. મદ્રેસા હાઇસ્કૂલનાં ટાઉનહોલ ખાતે ફિમેલ પોલિંગ ઓફિસર સ્ટાફ સાથે 502 ચૂંટણી કર્મચારીઓને ત્રણ સેશનમાં ચૂંટણી અધિકારી ડી.કે.વસાવા, દિનેશભાઇ પટેલ, નાયબ ચૂંટણી અધિકારી ગિરિષભાઈ પરમારની ઉપસ્થિતમાં તાલીમ આપવામાં આવી હતી. જેમાં માંગરોળ તાલુકાનાં શિક્ષક અશ્વિન સિંહ વાંસીયાએ ઈ.વી.એમ. મશીન સહિતની વિગત વાર સમજૂતી આપી હતી. તેમજ ઈ.વી.એમ મશીન સીલિંગ પ્રક્રિયા, મતદાન પ્રક્રિયા પ્રેકટીકલ કરી બતાવેલ હતુ સાથે મામલતદાર ડી.કે વસાવા સાહેબે કોરોનાની ગાઈડલાઈનને અનુસરવા જરૂરી સૂચન કરેલ હતા.
Advertisement
