બનાવ અંગેની પ્રાપ્ત માહિતી અનુસાર ભરૂચ, જંબુસર માર્ગ પર આજે સવારનાં સમયે એક બુલેટ નંબર એમ.એચ.૩૬ એ.એફ ૬૦૨૬ ના ચાલકે દેરોલ ગામ નજીક કોઈક વાહનને ઓવર ટેક કરવા જતાં ટક્કર વાગતા જમીન ઉપર પટકાતા બુલેટ બાઇક પર સવાર બંને વ્યક્તિઓને ગંભીર ઈજાઓ પહોંચી હતી.
અકસ્માતની સમગ્ર ઘટનામાં ૩૮ વર્ષીય રાઘવભાઈ નામના વ્યક્તિનું સારવાર દરમિયાન મોત નીપજ્યું હતું તો ૩૫ વર્ષીય અમનભાઈ નામના વ્યક્તિને ગંભીર ઈજાઓ પહોંચતા તેઓને ૧૦૮ મારફતે તાત્કાલિક સારવાર અર્થે ખસેડવામાં આવ્યા હતા.
અકસ્માતની ઘટનાને લઇ ભરૂચ, જંબુસર માર્ગ ઉપર થોડા સમય માટે ટ્રાફિકની સ્થિતિનું સર્જન થતું હતું, જોકે રૂરલ પોલીસે તાત્કાલિક ઘટના સ્થળે દોડી જઈ મૃતકની લાશને પી.એમ અર્થે ખસેડવાની સાથે કાયદેસરની કાર્યવાહી હાથધરી છે.
Advertisement
