દેડીયાપાડા તાલુકાના ચોપડાવાવથી દેડીયાપાડા રોડ પર મોટરસાયકલ પોતાના વાહનો સ્ટેરીંગ પરનો કાબુ ગુમાવતા મોટરસાયકલ સ્લીપ ખાઇ જતાં અકસ્માતમાં ચાલકનું મોત નીપજ્યું છે. આ અંગે દેડીયાપાડા પોલીસ મથકે ફરિયાદી રમીલાબેન જામસિંગભાઈ બાબુભાઈ તડવી (રહે, ખાપર, તોડલીયા ફળિયા તા. અક્કલકુવા જી.નંદુરબાર) એ ફરિયાદ કરી છે.
ફરિયાદની વિગત મુજબ આ કામના મરણ જનાર જામસિંગભાઈ ભગુભાઈ તડવીનાઓ તા. 17/3/21 ના આશરે સાડા આઠેક વાગ્યાના અરસામાં મોટરસાયકલ હીરો હોન્ડા પ્રેસન પ્લસ નંબર એમ એચ 18 એસ 8669 મોટરસાયકલ ચોપડાવાવથી આગળ દેડીયાપાડા રોડ પર પોતાના વાહન પુરઝડપે અને ગફલતભરી રીતે હંકારી લાવી સ્ટેરીંગ પરનો કાબુ ગુમાવી પોતાની મોટરસાયકલ સ્લીપ ખવડાવી પોતાને ગંભીર પ્રકારની ઈજાઓ પહોંચતા ચાલકનું સારવાર દરમિયાન મોત નીપજયું હતું.પોલીસે અકસ્માત મોતનો ગુનો નોંધી કાયદેસરની કાર્યવાહી હાથ ધરી છે.
જ્યોતિ જગતાપ, રાજપીપળા
