અક્ષય તૃતીયાના દિવસે જ પરશુરામ જયંતીની ઊજવવામાં આવે છે. આ વખતે આ પર્વ 14 મે, શુક્રવારના રોજ ઉજવાયો હતો. પરશુરામ ભગવાન વિષ્ણુના છઠ્ઠા અવતાર માનવામાં આવે છે. અમર થઈને કળિયુગમાં હનુમાનજી સહિત 8 દેવતા અને મહાપુરૂષોમાં પરશુરામ પણ એક છે. ભગવાન શિવજીએ આશીર્વાદમાં પરશુ એટલે કે ફરસો આપ્યો હતો. આ કારણે તેમનું નામ પરશુરામ પડ્યું છે. તેમની પૂજા કરવાથી સાહસ વધે છે અને દરેક પ્રકારનો ભય દૂર થાય છે. ભગવાન રામ અને પરશુરામ બંને જ વિષ્ણુના અવતાર છે.
ભગવાન રામ ક્ષત્રિય કુળમાં જન્મેલા પરંતુ તેમનો વ્યવહાર બ્રાહ્મણો જેવો હતો. ત્યાં જ ભગવાન પરશુરામનો જન્મ બ્રાહ્મણ કુળમાં થયો, પરંતુ તેમનો વ્યવહાર ક્ષત્રિય હતો. ભગવાન શિવજીના પરમભક્ત પરશુરામ ન્યાયના દેવતા છે. તેમણે 21 વખત આ ધરતીને ક્ષત્રિય વિહીન કરી હતી. બ્રહ્મવૈવર્ત પુરાણ પ્રમાણે, એકવાર પરશુરામ ભગવાન શિવના દર્શન કરવા માટે કૈલાશ પર્વત પહોંચ્યા, પરંતુ પ્રથમ પૂજ્ય શિવ-પાર્વતી પુત્ર ભગવાન ગણેશજીએ તેમને શિવજીને મળવા દીધા નહીં. આ વાતથી ગુસ્સે થઇને તેમણે પોતાના ફરસાથી ભગવાન ગણેશજીનો એક દાંત તોડી નાખ્યો. આ કારણે ભગવાન ગણેશ એકદંત કહેવાયાં. તેમના ગુસ્સાના કારણે ભગવાન ગણેશજી પણ બચી શક્યા નહોતાં.
