કોસાડી, મોસાલી વેલફેર ટ્રસ્ટ સંચાલિત ફારૂકભાઇ ભીખુભાઈ મેમોરિયલ મેડિકલ રાહત ફાર્મસી, મોસાલી, મદ્રેસા બનાતુસસલાહ મોસાલીના બે સફળ પ્રોજેક્ટના સફળ સંચાલન બાદ હવે આ ટ્રસ્ટ એમ્બ્યુલન્સની સેવા લાવી રહ્યું છે. જેમાં કોસાડી, નાનીનરોલી, મોસાલી તેમજ આજુબાજુના તમામ ગામોમાં નાતજાતના ભેદભાવ વિના શરૂ કરવામાં આવી છે. આ એમ્બ્યુલન્સ ટોયોટા ઇનોવાકાર એરકન્ડિશન સુવિધા તેમજ અન્ય સુવિધા સાથે બનાવવામાં આવી છે. ઇમરજન્સી સુવિધા તેમજ મૈયત માટે ફ્રી માં સેવા આપવામાં આવશે.
તદુપરાંત અન્ય સેવા માટે ખૂબ જ નજીવા દરે સેવા આપવામાં આવનાર છે.આ સેવા દરેક માટે કોઇપણ જાતના ભેદભાવ વિના આપવામાં આવનાર હોય જેને પણ એમ્બ્યુલન્સની જરૂર હોય તેઓએ તમન્ના ટ્રેડર્સ મોસાલી, કાસીમ જીભાઈ મોબાઇલ નંબર 9913702201, મકસુદભાઈ માંજરા(લાલભાઈ )9427473786 આ નંબર ઉપર સંપર્ક કરવા જણાવવામાં આવે છે. આ એમ્બ્યુલન્સ સેવા યાસીનભાઈ ભીખુ(સાઉથ આફ્રિકા) ના સહયોગથી પૂરી પાડવામાં આવનાર છે એમ આયોજકોએ જણાવેલ છે. તો આજુબાજુની જનતાને આ એમ્બ્યુલન્સ સેવાનો લાભલેવા આયોજકોએ જણાવેલ છે. ખરેખર આ એક ખુબ જ ઉમદા કાર્ય કરવામાં આવેલ છે. આજુબાજુના વિસ્તારના લોકોને આ એમ્બ્યુલન્સ સેવા ખુબ જ લાભદાયી નીવડશે.
વિનોદ મૈસુરિયા : વાંકલ
