પંચમહાલ જિલ્લાના હાલોલ નગરમાં રહેતા 20 વર્ષીય યુવાન પાવાગઢ ખાતે તેના મિત્રો સાથે ફરવા ગયા બાદ ગુમ થયા બાદ પાવાગઢ પોલીસ મથકે ફરિયાદ નોંધાવા પામી છે.
પંચમહાલ જિલ્લાના હાલોલ ખાતે આવેલી નવરંગ કોલોની પાવાગઢ રોડ હાલોલ ખાતે રહેતો વિજય કુમાર શાંતિલાલ સોલંકી તેના મિત્રો સાથે પાવાગઢ ફરવા જાઉં છું તેમ કહીને ઘરથી નવ વાગ્યે નીકળ્યો હતો. ત્યારબાદ તેનો મોબાઇલ સ્વીચ ઓફ આવતા પરિવારજનો ચિંતામાં મુકાયા હતા. અને કોઇ વાતચીત થઈ હતી નહી અને ત્યારબાદ વિજય સાથે જે કંપનીમાં કામ કરતો હતો એ છોકરાની પૂછપરછ કરતાં જાણવા મળ્યું હતું કે વિજય સાથે અન્ય ત્રણ મિત્રો મળી પાવાગઢ ખાતે દર્શન કરવા માટે ગયા હતા દર્શન કરી પરત ફરી રહેલા વિજય સોલંકી અને તેના મિત્રો માચી બસ સ્ટેશન સુધી સાથે બેઠા હતા ત્યારબાદ માંચી આવતાં છૂટા પડી ગયા હતા અને વિજય સોલંકીનો મોબાઇલ તેના મિત્રો પાસે છે. ત્યારબાદ આ અંગે પરિવારજનો દ્વારા પાવાગઢ ડુંગરની આસપાસ શોધખોળ કરવામાં આવી હતી.પણ યુવાન મળ્યો ન હતો. જેથી વિજયના પિતાએ પાવાગઢ પોલીસ મથકે ફરિયાદ નોંધાવી હતી. ઉલ્લેખનીય છે કે વિજય સોલંકી તારીખ 11-07-2021 ના રોજ પોતાના ઘરેથી પાવાગઢ મંદિરે દર્શન કરવા માટે જઉં છું તેમ કહી નીકળ્યો હતો જેના આજે પાંચ દિવસ વીતી ગયા જેના પરિણામે પરિવારજનો ચિંતામાં મુકાયા છે હાલ આ મામલે પાવાગઢ પોલીસ ફરિયાદ નોંધી તપાસના ચક્રો ગતિમાન કર્યા છે.
પંચમહાલ રાજુ સોલંકી
