યુ.એસ. માં રહેતા રાજપીપલાના વતનીએ નાની બાળકીઓને ગૌરીવ્રતની અનોખી રીતે ઉજવણી કરાવી.

રાજપીપલાના વતની અમેરિકામાં રહેતા અસિત બક્ષીએ રાજપીપલામાં ગૌરીવ્રત નિમિતે 200 જેટલી ઉપવાસ કરનાર બાળકીઓને સૂકામેવાનું વિતરણ કર્યું હતું.

આજે કોરોનાની બીજી લહેરમાં લોકોના ધંધા રોજગાર છીનવાઈ ગયા છે અને આ ગૌરીવ્રતમાં ખાસ નાની બાળાઓ વ્રત કરતી હોઈ અને 5 દિવસનો ઉપવાસ કરતા હોય છે.જેમાં બાલિકાઓને આ 5 દિવસમાં અલુણા કરવાના હોઈ અને આ ઉપવાસમાં સૂકોમેવો જેવા કે કાજુ, અખરોટ, બદામ જેવા સૂકામેવા આ મોંઘવારીમાં મા બાપ પોતાની દીકરીઓને આપી ન શકે ત્યારે યુ.એસ માં રહેતા અને હાલ વતન રાજપીપળામાં આવી નાની દીકરીઓને એક રમતના રૂપમાં જમાડી એક ઉત્તમ ઉદાહરણ પૂરું પાડ્યું છે. આ રમતમાં નાની બાળકીઓ માટે સૂકા મેવાનો એક ઢગલો કર્યો હતો. જે ઢગલો બાળકીઓએ કેટ વોક કરતા કરતા જઈને લૂંટયો હતો. બાળકીઓને રમત પણ રમાડી હતી. જે બાળકીઓનો વિજેતા જાહેર થઈ હતી, તે બાળકીઓને પ્રોત્સાહન રૂપે ઇનામ પણ આપ્યા હતા.

જ્યોતિ જગતાપ, રાજપીપલા