અંકલેશ્વર રાજપીપળને જોડતા માર્ગ પર આવેલ દઢાલ અમરાવતી નદી પર બનેલો પુલ વર્ષોથી જરૂયાત હોવાને કારણે હાલ નવનિર્મિત કરવાનું કામ સરકાર દ્વારા લેવામાં આવ્યું છે પરંતુ તેની આસપાસના વિસ્તારના ગામોને અવરજવર માટે સમસ્યાઓનો સામનો કરવો પડે તેમ છે તેઓ રોજબરોજ અપડાઉન કરતાં હોવાથી તેમણે હાલાકી થઈ રહી છે ત્યારે આસપાસના ગ્રામજનોએ અન્ય રસ્તાનું વ્યવસ્થાપન કરી આપવા માટે આવેદનપત્ર પાઠવીને રજૂઆત કરવામાં આવી હતી.
અંકલેશ્વર તાલુકાનાં સરદારપૂરા, અવાદર અને પારડીમોખા ગામના ગામવાસીઓને હાલાકી વેઠવાનો વારો આવે તેમ છે. આવેદન પત્રમાં જણાવ્યા પ્રમાણે અંકલેશ્વર રાજપીપળને જોડતો પુલ સંપૂર્ણપણે બંધ કરી દેવામાં આવ્યો છે જેને લઈને પૂર્વ વિભાગના ગામના ગામો જેવા કે ઝઘડીયા જી.આઈ.ડી.સી.નાં કામ કરતાં કામદારો અને દઢાલના 50-100 ઉપરાંતના બાળકો અંકલેશ્વર ખાતે અભ્યાસ કરવા જાય છે. મજૂરર્ગ તેમજ કિશાન ભાઈઓને હાલતનો સામનો કરવો પડે તેમ છે. વિદ્યાર્થીઓ માટે તથા હોસ્પિટલ જેવા તાત્કાલિક કામો માટે પુલની આસપાસના વિસ્તારમાં અવરજવર માટે માર્ગ બનાવી આપવાની ખાસ વ્યવસ્થાની સુવિધાઓ પૂરી પાડવા માટે ગ્રામજનોની માંગ ઉઠી હતી.
મુકેશ વસાવા : અંકલેશ્વર
અંકલેશ્વર : દઢાલ અમરાવતી નદી પરનો પુલ બંધ થતાં અન્ય રસ્તાની વ્યવસ્થા કરી આપવા ગ્રામજનોએ આવેદન પાઠવી રજૂઆત કરી.
Advertisement
