આજે 30 નવેમ્બર, ભરૂચ શહેરમાં વૈશ્વિક કોરોના મહામારીના સંક્રમણને અટકાવવા માટે ૩૦ જેટલા સેન્ટરો ઉપર વેકશીનના બીજા ડોઝનું અયોજન કરવામાં આવ્યું હતું, જેમાં મોટી સંખ્યામાં શહેરીજનોએ લાભ લીધો હતો.
ભરૂચ નગરપાલિકા હદ વિસ્તારમાં ૩૦ સેન્ટરો પર યોજાયેલ મેગા વેકશીનેશન કેમ્પમાં વેકશીનનો ડોઝ લેનાર પ્રત્યેક વ્યક્તિને 1 લીટર તેલ તંત્ર તરફથી ફ્રી માં આપવામાં આવ્યું હતું, મેગા વેકશીનેશન કેમ્પમાં જિલ્લા કલેક્ટર તુષાર સુમેરા, જિલ્લા આરોગ્ય અધિકારી ધુલેરા, નગરપાલિકા ચીફ ઓફીસર સંજય સોની સહિત તંત્રના અધિકારીઓ વિવિધ સેન્ટરો ઉપર ઉપસ્થિત રહી લોકોને વેકશીનના ડોઝ લેવા માટે જાગૃતિ પ્રદાન કરાવી હતી.
મહત્વનું છે કે જિલ્લામાં અત્યારસુધી 15 હજારથી વધુ લોકોએ વેકશીનનો બીજો ડોઝ લીધો નથી, ત્યારે તંત્ર દ્વારા હવે તાલુકા મથકે અને શહેરી વિસ્તારોમાં વધુમાં વધુ લોકો વેકશીનનો ડોઝ મુકાવી લે માટે મેગા વેકશીનેશન કેમ્પનું આયોજન સતત કરવામાં આવી રહ્યું છે, તેમજ જિલ્લા કલેક્ટર દ્વારા પણ લોકો વેકશીનનો બીજો ડોઝ ઝડપથી પૂર્ણ કરે તેવી અપીલ કરવામાં આવી હતી.
