આજરોજ માંગરોળ તાલુકાની 53 ગ્રામપંચાયતની સામાન્ય ચૂંટણી 2021 માટે તાલુકા મથક માંગરોલ મુકામે આવેલ એસ પી એમ હાઈસ્કૂલ ખાતે, તેમજ માંગરોલ ટાઉન હોલ ખાતે સવારે તેમજ બપોરે બે સેશનમા 250 પ્રિસાઇડીંગ ઓફિસર,આસિસ્ટન્ટ પ્રિસાઇડીંગ ઓફિસરની, 300 ફિમેલ પોલિંગ સ્ટાફ, તેમજ રિસીવિંગ, ડીસ્પેચિંગ, કાઉનટીંગ સ્ટાફને તાલીમ માસ્ટર ટ્રેનર દ્વારા આપવામાં આવેલ હતી.
આ તાલીમમાં માંગરોળના ઇન્ચાર્જ મામલતદાર કે એમ રણા, નાયબ મામલતદાર ગીરીશભાઈ પરમાર, ચૂંટણી ક્લાર્ક ધર્મેશભાઈ ચૌધરી તમામ ચૂંટણી અધિકારી મદદનીશ ચૂંટણી અધિકારી હાજર રહ્યાં હતાં. માસ્ટર ટ્રેનર ટીમ માંગરોલ દ્વારા તાલીમ આપવામાં આવેલ હતી. તાલીમમાં અગત્યના વિવિધ કવરો, મતપેટી આનુસંગિક ચૂંટણીલક્ષી કામગીરી બાબતે તેમજ કાઉન્ટિંગ સ્ટાફ, રિસિવિંગ, ડીસ્પેચ સ્ટાફને તાલીમ દ્વારા માહિતગાર કરવામાં આવેલ હતા.
વિનોદ મૈસુરિયા : વાંકલ
