દહેજના જોલવા ગામે નોકરીમાંથી કાઢી મૂકવા બાબતે મારામારી થતા એકનું મોત.

બનાવની મળતી માહિતી અનુસાર ભરૂચ જિલ્લાના વાગરા તાલુકાના જોલવા ગામની રિલાયન્સ પેટ્રોલ પંપની પાછળ આવેલ શિવમ કોમ્પલેક્ષના રૂમ નંબર ૨૦૩ માં રહેતા સંતોષરાય શંકરરાય ઉંમર વર્ષ ૩૫ નાઓ પાસે શિવમ કોમ્પલેક્ષના ૨૦૨ માં રહેતા વિરેન્દ્ર યાદવ તથા અન્ય બે અજાણ્યા વ્યક્તિઓએ આવી સંતોષ રાયને જણાવ્યું હતું કે તમોને કંપનીમાંથી કાઢી મૂક્યા હવે નવું કામ શોધી લો તેમ કહી બંને વચ્ચે બોલાચાલી બાદ ઝઘડો થતાં વિરેન્દ્ર યાદવ સહિત અન્ય અજાણ્યા બે વ્યક્તિઓએ સંતોષ રાયને માર માર્યો હતો અને નજીકમાં જમીન ઉપર પડેલો સિમેન્ટનો બ્લોક સંતોષ રાયના માથામાં મારી દેતા તેને ગંભીર અવસ્થામાં લોહીલુહાણ હાલતમાં સારવાર અર્થે ભરૂચ સિવિલ હોસ્પિટલમાં ખસેડયા બાદ વધુ સારવાર માટે ભરૂચની ખાનગી હોસ્પિટલ ખસેડવામાં આવતા મોડી રાત્રિએ મોત થતાં પોલીસે વિરેન્દ્ર યાદવ સહિત અન્ય બે અજાણ્યા વ્યક્તિઓ સામે હત્યાનો ગુનો દાખલ કરી ત્રણેયની ધરપકડના ચક્રો ગતિમાન કર્યા છે.