હાંસોટ તાલુકાના પ્રાથમિક કુમાર શાળા ઈલાવ ખાતે બાળમેળો યોજાયો.

પ્રાથમિક કુમાર શાળા ઇલાવમાં ગિજુભાઈ બધેકા લાઈફ સ્કિલ મેળાનું આયોજન કરવામાં આવ્યું હતું. જેમાં ધોરણ 6 થી 8 બાળકો દ્વારા પંચર બનાવવું, ફ્યુઝ જોડાણ, કુકર બંધ કરવું, સ્ક્રૂ બંધ કરવા જેવી પ્રવૃત્તિ કરવામાં આવી.

સાથે જ આનંદમેળાનું પણ આયોજન કરવામાં આવેલ હતું. જેમાં ધોરણ 6 ના બાળકો ડિનલબેનના માર્ગદશન હેઠળ ચટપટી ભેળનો સ્ટોલ મુકવામાં આવ્યા. ધોરણ 7 ના બાળકો સરોજબેનના માર્ગદર્શન દ્વારા ઇન્ડીયન પાણીપુરી અને સ્ટાર સમોસાનો સ્ટોલ ખોલવામાં આવ્યો હતો,ધોરણ 8 ના બાળકો રૂપલબેનના માર્ગદર્શન દ્વારા ચણાદાળ અને વેજ સલાડનો સ્ટોલ મુક્યો હતો. જેમાં બાળકો તેમજ શિક્ષકોએ ઉત્સાહપૂર્વક ભાગ લીધો. બાળકોએ પોતે જ વેપારી છે એવો અનુભવ કર્યો હતો. તમામ બાળકો સહ ભાગીદારીથી કાર્ય કરેલ છે. શાળાના આચાર્ય દિપક સોલંકી દ્રારા શિક્ષકો અને તમામ બાળકોને શુભકામનાઓ પાઠવી હતી. બાળકો ખૂબ જ આગળ વધે એવી આશા વ્યક્ત કરી હતી.