અંકલેશ્વરમાં હત્યાના ગુનામાં ધરપકડ કરાયેલા આરોપીની તબિયત લથડતાં વડોદરાની સયાજી હોસ્પિટલમાં દાખલ કરાયેલ હોય જે જાપ્તાની પોલીસને ચકમો આપી અડધી રાત્રે હોસ્પિટલમાંથી નાસી છૂટ્યો છે જેની શોધખોળ કરવા પોલીસે તપાસ હાથ ધરી છે.
વડોદરાની સયાજી હોસ્પિટલમાં અંકલેશ્વરમાં હત્યાના ગુનામાં સંડોવાયેલા આરોપી અનિલ ઉર્ફે માઈકલ અરવિંદ રામા વસાવા નામનાં કેદીની તબિયત લથડી હતી આથી કાચા કામના કેદીને બીમારી સબબ તબિયત લથડતાં તા. 16/1/22 ના રોજ વડોદરાની સયાજી હોસ્પિટલમાં દાખલ કરવામાં આવ્યો હોય સયાજી હોસ્પિટલમાં સારવાર દરમિયાન હત્યાનો આરોપી અનિલ ઉર્ફે માઇકલ જાપ્તાની પોલીસને ચકમો આપી મોડી રાત્રે ફરાર થઈ ગયો હતો. હત્યાનો આરોપી પોલીસને ચકમો આપી ફરાર થઈ જતા આ કાચા કામના કેદીને ઝડપી પાડવા માટે પોલીસે દોડધામ શરૂ કરી છે તેમજ પોલીસે હોસ્પિટલ સ્થિત સીસીટીવી ફૂટેજ મેળવી આરોપીને ઝડપી પાડવા શોધખોળ આરંભી છે. તેમજ જાપ્તાની પોલીસ પર પણ કાયદેસરની કાર્યવાહી કરાશે.
