આમોદ તાલુકાનાં સરભાણ ગામ ખાતે સગીરાને ભગાડી જનારને પોલીસે 3 વર્ષ પછી ઝડપી લીધો હતો.

ભરૂચ જીલ્લાનાં આમોદ તાલુકા પોલીસ મથકમાં વર્ષ 2016 માં વાલીપણામાંથી ભગાડી જવા સહિત પોસ્કો એક્ટ મુજબ સરભાણ ગામનાં રહીશ મહેન્દ્ર ભીખા વસાવા સામે અપહરણનો ગુનો દાખલ થયો હતો અને છેલ્લાં 3 વર્ષથી નાસતો ફરતો હતો. જોકે પેરોલ ફર્લો સ્કવાર્ડ ટીમને મળેલી બાતમીને આધારે સરભાણ ગામનાં બસ સ્ટેન્ડ નજીકથી મહેન્દ્ર ભીખા વસાવાને ઝડપી લઈને તેને આમોદ પોલીસ મથકને હવાલે કર્યો હતો.