ભારતમાં હાઇવે પરના સૌ પ્રથમ મહિલાઓથી સંચાલિત સીએનજી ઓનલાઇન ગેસ સ્ટેશનનો મોગર ખાતે પ્રારંભ થયો છે. ચરોતર ગેસના ચોથા સીએનજી ગેસ સ્ટેશનમાં 21 મહિલાઓ વિવિધ હોદ્દાઓ પર ફરજ બજાવશે પ્રથમ શીફટ સાંજે પાંચ વાગે પૂરી થયા બાદ રાત્રે પુરુષો ફરજ બજાવાના છે.
આણંદ પાસેના મોગર ખાતે નેશનલ હાઇવે પર નવા સીએનજી ગેસ સ્ટેશન શરૂ થવાને કારણે પ્રથમ તબક્કાનો પ્રારંભ થયો છે. જ્યારે બીજા તબક્કામાં ફુડ કોર્ટ શરૂ કરવામાં આવશે. ઓટોમેટીક કાર વોશ સ્ટેશન પણ મહિલાઓ ચલાવાની છે. 24 કલાક અને સાત દિવસ સુધી સતત ચાલુ રહેનારા ગેસ સ્ટેશન પર સીસીટીવી કેમેરા લગાવવામાં આવ્યાં છે. જેથી અહી કામગીરી કરનારી મહિલાઓની સુરક્ષા અંગેની કોઇ ચિંતા રહેશે. ગેસ ફિલીર, એકાઉન્ટન્ટ, કેશિયર, હાઉસકીપીંગ, સિક્યુરીટી સહિત વિવિધ જગ્યાઓ પર 21 મહિલાઓ ફરજ બજાવશે. આ સંદર્ભે મોગર ગેસ સ્ટેશનના ઇન્ચાર્જ કેતુબેન અમીને જણાવ્યું હતું કે, સ્ત્રી સશક્તિકરણ માટે સરકાર વિવિધ પગલાં લઇ રહી છે. પરંતુ અહી અમે તમામ મહિલાઓ ટીમવર્કથી કામ કરવાની છે. અત્યાર સુધી જનતા ચોકડી શહેરની વચ્ચે મહિલાઓ કામ કરતી હતી. પરંતુ હાઇવે પરનો સૌ પ્રથમવારનો પ્રયોગ છે…સૌજન્ય
