પ્રમુખસ્વામી મહારાજ જન્મ શતાબ્દી મહોત્સવની ઉજવણી દરમિયાન શુક્રવારે દિક્ષા દિવસની ઉજવણી કરવામાં આવશે. જે અંતર્ગત ૪૬ યુવકોને બીએપીએસ સંસ્થાના વડા મહંત સ્વામી મહારાજના હસ્તે દિક્ષા આપવામાં આવશે. આ પ્રસંગે યુવકોના પરિવારજનો સહિત હજારોની સંખ્યામાં હરિભક્તો હાજર રહેશે. દિક્ષા ગ્રહણ કરનાર યુવકો અમેરિકા, આફ્રિકા અને ભારતના છે અને તમામ ઉચ્ચ અભ્યાસની ડીગ્રી ધરાવે છે.
અમેરિકા, આફ્રિકા અને ભારતના કુલ ૪૬ યુવકો દિક્ષા લેશે પ્રમુખસ્વામી મહારાજ જન્મ શતાબ્દી મહોત્સવ અંતર્ગત વિવિધ દિવસોની ઉજવણી કરવામાં આવી રહી છે. જેમાં શુક્રવારે દિક્ષા દિવસની ઉજવણી થશે. જેમાં અમેરિકા, આફ્રિકા અને ભારતના કુલ ૪૬ યુવકો દિક્ષા લેશે. પ્રમુખ સ્વામી મહારાજ નગરના નારાયણ સભાગૃહમાં આ પ્રસંગની ઉજવણી થશે. જેમાં મંહત સ્વામી તેમજ બીએપીએસના વડીલ સંતો વિશેષ ઉપસ્થિત રહેશે.
યુવકોની દિક્ષા પ્રસંગે તેમના પરિવારજનો અને સ્નેહીજનો સહિતના હજારો હરિભક્તો ઉપસ્થિત રહેશે. ખુબ સારા શૈક્ષણિક બેકગ્રાઉન્ડથી આવતા યુવાનો પ્રમુખસ્વામી મહારાજ જન્મ શતાબ્દીએ દિક્ષા ગ્રહણ કરીને ખુબ ધન્યતા અનુભવી રહ્યા છે. પ્રમુખ સ્વામી શતાબ્દી મહોત્સવમાં મોટી સંખ્યામાં રોજ ભાવી ભક્તો મુલાકાત લઈ રહ્યા છે. અહીં વિશેષ પ્રકારની વ્યવસ્થા કરવામાં આવી છે.
