દિનેશભાઇ અડવાણી
ભરૂચ જિલ્લાના આમોદ તાલુકાના રોઝા ટંકારીયા ગામમાં આવેલ ઝાડ ઉપર નાયલોનનું દોરડું બાંધી યુવકે ગળે ફાંસો ખાઈ જીવન ટૂંકાવી લીધું છે. આપઘાત કરનાર ગામનો જ રહેવાસી ૨૭ વર્ષીય યુવાન મોહસીન હસન મુહમ્મદ પટેલ હોવાનું જાણવા મળ્યું છે. યુવકે ક્યાં કારણોસર આ પગલું ભર્યું તે હજુ અકબંધ છે. ગામના રહેવાસી રસ્તા ઉપરથી પસાર થઇ રહયા હતા તે દરમ્યાન મોહસીન પટેલ ઝાડ ઉપર લટકતા જોતા બુમાબુમ કરી હતી અને ગ્રામજનો ભેગા થઇ ગયા હતા. ત્યારબાદ પોલીસને જાણ કરવામાં આવતા આમોદ પોલીસ ઘટના સ્થળે દોડી જઈ મૃતકને પોસમોટર્મ માટે આમોદ સામુહિક આરોગ્ય કેન્દ્ર ખાતે ખસેડવામાં આવ્યો હતો.યુવાને કયા કારણોસર આપઘાત કર્યો તે જાણવા આમોદ પોલીસે વધુ તપાસ હાથ ધરી છે.
Advertisement
