વડોદરા આર.આર સેલની ટીમે અંકલેશ્વર નજીક હાઈવે પરથી ચોરી ની પ્લેટ સાથે આઆરોપીની ધરપકડ કરી કાયદેસરની કાર્યવાહી હાથ ધરી છે.

પોલીસ સૂત્રીય માહિતી મુજબ વડોદરા આર.આર સેલ ના કનક સિંહ હમીર સ્ટાફ સાથે અંકલેશ્વર જી.આઈ.ડી.સી વિસ્તારમા પેટ્રોલીંગ મા હતા તે દરમ્યાન બાતમી મળતા તેઓ તાત્કાલીક દોડી જઈ આરોપીને રોકી પુછપરછ કરતા તે જી.આઈ.ડી.સી મા રચના નગરનો રહીશ મોન્ટુ સુધ્ધેશ્વર પાસવાન હોવાનુ જણાવ્યુ હતુ. આર.આર સેલ ની ટીમે સ્થળ પર તપાસ કરતા સીસા નામના ધાતુની પ્લેટો મળી આવી હતી. આ પ્લેટો બાબતે સધન પૂછપરછ કરતા કોઈ સંતોષકારક જવાબ નહી આપતા મોન્ટુ પાસવાન ની ધરપકડ કરી ૨ લાખ ૬૫ હજાર ની કિંમત ની સીસા ધાતુ ની ૧૩૭ નંગ પ્લેટ કબ્જે કરી તેનેઐ વિરૂધ્ધ અંકલેશ્વર જી.આઈ.ડી.સી પોલીસ મથકમા ફરીયાદ નોંધાવી હતી. પોલીસે ગુનો નોંધી વધુ તપાસ હાથ ધરી છે.