અંકલેશ્વરના પાનોલી જી.આઈ.ડી.સી.માં આવેલ જી.આર.પી.લીમીટેડ કંપનીમાં સેફટીના અભાવે ઉચાઇ પરથી કામદાર પટકાતા તેને ગંભીર ઈજાઓ પહોંચી હતી.

વિનોદભાઇ પટેલ

મળતી માહિતી અનુસાર અંકલેશ્વરમાં રહેતા ૨૦ વર્ષીય ધર્મેન્દ્રસિંગ પાનોલી જી.આઈ.ડી.સી માં આવેલ જી.આર.પી.લીમીટેડ કંપનીના કોન્ટ્રાક્ટર રાકેશ યાદવના કોન્ટ્રાક્ટમાં છેલ્લા બે વર્ષથી કામદાર તરીકે કામ કરે છે. ગત તારીખ-૯મી મેના રોજ તે કંપનીમાં કામ કરી રહ્યો હતો તે દરમિયાન ૩૦ ફૂંટની ઉંચાઈ પરથી નીચે પટકાતા તેને શરીરે ગંભીર ઈજાઓ પહોંચી હતી. તેને તાત્કાલિક સારવાર અર્થે અંકલેશ્વરની ખાનગી હોસ્પીટલમાં ખસેડવામાં આવ્યો છે. અત્રે ઉલ્લેખનીય છે કે કંપનીમાં કોઇપણ જાતના સેફ્ટીના અભાવે ઘટના બની હોવાનું ધ્યાન પર આવતા કામદાર સમાજના આગેવાને રજનીભાઈએ અંકલેશ્વર-પાનોલી જી.આઈ.ડી.સીની કેટલીક કંપનીઓ સેફ્ટીના અભાવે કામદારોને કામગીરી કરાવતી હોવાના આક્ષેપ કરી આવી બેજવાબદાર કંપનીઓ સામે પગલા લેવામાં આવે તેવી માંગ કરી છે.