અંકલેશ્વર તાલુકા પોલીસે નેશનલ હાઇવે ઉપર આવેલ હુસેન પાર્ક નજીક જુગાર રમતા ત્રણ જુગરિયાઓને ઝડપી પાડી કાયદેસરની કાર્યવાહી હાથ ધરી…

દિનેશભાઇ અડવાણી

પ્રાપ્ત માહિતી અનુસાર અંકલેશ્વર નેશનલ હાઇવે ઉપર તાપી હોટલ સ્થિત હુસેન પાર્ક પાછળ કેટલાક જુગારીઓ જુગાર રમી રહ્યા છે જેવી બાતમીના આધારે રૂરલ પોલીસે દરોડો પાડતા જુગારિયોમાં નાસભાગ મચી જવા પામી હતી. પોલીસે સ્થળ પરથી કાપોદ્રા રોડ પર આવેલ ઝીન પાર્ક સોસાયટીમાં રહેતા સલાઉદ્દીન ઇઝાઝુદ્દીન શેખ સહિત અન્ય બે જુગારીઓને ઝડપી પાડી તેઓ પાસે રહેલ 22 હજાર રોકડા અને દાવ પર મૂકેલ 3350 તેમજ એક બાઇક મળી કુલ 45 હજારથી વધુનો મુદ્દામાલ કબ્જે કરી ઝડપાયેલા તમામ વિરુદ્ધ ગુનો નોંધી કાયદેસરની કાર્યવાહી હાથ ધરી છે.