અંકલેશ્વર જી.આઈ.ડી.સી મા આવેલ મુદ્રા ડેનિમ પ્રાઈવેટ લિમિટેડ કંપની દ્વારા કર્મચારીને ત્રણ મહિનાથી પગાર ન ચુકવતા કામદારોએ હડતાલની ચીમકી ઉચ્ચારી…

દિનેશભાઇ અડવાણી

અંકલેશ્વર જી.આઈ.ડી.સી મા મુદ્રા ડેનિમ પ્રાઈવેટ લિમિટેડ કંપની આવેલ છે.આ કંપનીમાં ખાનગી કોન્ટ્રાકટ અને કંપની કોન્ટ્રાકટમાં ૧૫૦ થી વધુ કામદારો ફરજ બજાવે છે પરંતુ છેલ્લા ત્રણ મહિનાથી કંપની દ્વારા આ તમામ કામદારોને પગાર નહી ચુકવતા કામદારોની હાલત કફોડી બની છે.કામદારો આર્થીક કટોકટીનો સામનો કરી રહ્યા છે તેઓના પરિવારજનો તેઓ પર નિર્ભર હોવાથી તેઓની પણ હાલત કફોડી થઇ છે ત્યારે કંપની સત્તાધીશો વહેલી તકે કામદારોને પગારની ચુકવણી નહી કરે તો તેઓ તમામ હડતાલ પર ઉતરી પડશે તેવી ચીમકી ઉચ્ચારી છે.