અંકલેશ્વર તાલુકાના જીતાલી ગામમાં કાર ચાલકે નિંદ્રાધીન યુવાનને ટક્કર મારતા તેનું ગંભીર ઈજાઓને પગલે ઘટના સ્થળે જ કરુણ મોત નીપજ્યું હતું.

દિનેશભાઇ અડવાણી

પ્રાપ્ત માહિતી અનુસાર અંકલેશ્વર તાલુકાના જીતાલી ગામના એઠાણા ફળિયામાં રહેતા ૪૫ વર્ષીય સુકાભાઈ કાનાભાઈ વસાવા ઘરની બાજુમાં રોડની સાઈડ પર સુતા હતા તે દરમિયાન આજરોજ વહેલી સવારે પુરપાટ અને ગફલતભરી રીતે ઘસી આવેલ કાર નંબર જી.જે.૧૬.બીબી.૮૪૧૬ના ચાલકે સુકાભાઈ વસાવાના માથા પરથી કાર ચઢાવી ફરાર થઈ ગયો હતો.સદર અકસ્માતમાં નિંદ્રાધીન યુવાનને માથાના ભાગે ગંભીર ઈજાઓ પહોંચતા તેનું ઘટના સ્થળે જ કરુણ મોત નીપજ્યું હતું.ઘટનાને પગલે ગ્રામજનો એકત્રિત થઈ ગયા હતા અને બનાવ અંગે અંકલેશ્વર તાલુકા પોલીસને જાણ કરી હતી ઘટનાને કારણે પોલીસે સ્ટાફ સ્થળ પર દોડી આવી બનાવ અંગે ગુનો નોંધી આગળની કાર્યવાહી હાથ ધરી છે.