અંકલેશ્વર શહેર પોલીસે વલસાડ પોલીસ સ્ટેશનના પ્રોહીબીશન ગુનામાં નાસ્તા ફરતા આરોપીને ઝડપી પાડ્યો..

દિનેશભાઇ અડવાણી

અંકલેશ્વર શહેર પોલીસ પેટ્રોલિંગમાં હોય તે દરમિયાન મળેલ બાતમી કે વલસાડ પોલીસ સ્ટેશનના પ્રોહિબિશનના ગુનામાં નાસતો-ફરતો આરોપી સફી નબીબ શેખ અંકલેશ્વરના અંસાર માર્કેટ તરફ ફરતો હોય તેવી બાતમીના આધારે અંકલેશ્વર શહેર પોલીસના જવાન બીપીનભાઇ પટેલ, નિલેશભાઈ પટેલ, દિનેશભાઈ પટેલએ વોચ ગોઠવી આરોપીઓને પકડવાના ચક્રો ગતિમાન કર્યા હતા અને છેવટે વલસાડ પોલીસ સ્ટેશનના પ્રોહિબિશનના ગુનામાં નાસતા ફરતા આરોપી સફી ને ઝડપી પાડી વલસાડ પોલીસ સ્ટેશનના હવાલે કરવામાં આવ્યો અને કાયદેસરની કાર્યવાહી હાથ ધરવામાં આવી અંકલેશ્વર શહેર પોલીસની આવી કામગીરીને લોકો પ્રશંસનીય ગણાવી રહ્યા છે.