(યોગી પટેલ)
મૃતકના ખીસ્સામાથી આધાર કાર્ડ અને સ્ટેટ બેંક ઓફ ઇન્ડિયાનો ડેબિટ કાર્ડ મળી આવ્યું
ભરૂચ જિલ્લામાં અવાર નવાર વિકૃત હાલતમાં લાશો મળી આવવાના બનાવો બની રહ્યા છે. તાજેતરમાં જ નંદેલાવ કચરાના ડમ્પિંગ સાઈડ પર એક મહિલાની વિકૃત લાશ મળીએ આવી હતી. જેને તપાસ કરતા પતિ, પત્ની ઓર વો નું પ્રકરણમાં બહાર આવ્યું હતું. ત્યારે હાલ ભરૂચ નજીક અંકલેશ્વરના સામોર ગામની હદમાંથી પસાર થતી અમારાવતિ નદીની ખાડીમાંથી એક યુવાનનો ડી કમ્પોઝ એટલે કે વિકૃત હાલતમાં મૃતદેહ મળી આવ્યો છે.
આ યુવાનના પેન્ટના ખિસ્સા ચેક કરતા ખિસ્સામાંથી એક આધાર કાર્ડ અને સ્ટેટ બેંક ઓફ ઇન્ડિયાનું ડેબીટ કાર્ડ મળી આવેલ છે. આધાર કાર્ડ જોતા તેના પર શેખ સદ્દામ કુરેશી રહે. નિઝર ગામ જીલ્લો તાપી નું સરનામુ જણાયું છે. આ મુદ્દે અંગે હાલ અંકલેશ્વર પોલીસ વધુ તપાસ કરી રહી છે ડી કમ્પોઝ હાલતમાં મળી આવેલ મૃતદેહ અંગે કાયદેસરની કાર્યવાહી ચાલી રહીએ છે. ત્યારે આ યુવાનનું કયા સંજોગોમાં મોત નીપજ્યું અને તેને અમરાવતી ખાડીમાં ફેકી દેવામાં આવ્યો કે કઈ ઘટના બની તેના રહસ્યો તપાસ દરમ્યાન બહાર આવશે.
